ការថ្លែងអំណរគុណដល់លោកយាយ អូទី ហេននិក និងស្វាមី វ៉ហ្វហ្គាន បោនហ្វេន

     នៅថ្ងៃ សុក្រ ទី ២៣ ខែ កុម្ភៈ ឆ្នាំ ២០២៤ នៅសាលាបច្ចេកទេសដុនបូស្កូខេត្តកែប បានរៀបចំកម្មពិធីរាត្រីវប្បធម៌ដោយមានការ ប្រគំុតន្រី្ត របាំក្រមា រាំកម្សាន្តតាមចង្វាក់ណាំណាវ និង​ រាំតាមបទប្រពៃណី របស់ជនជាតិដើមភាគតិច  សម្ដែងនូវក្បាច់គុនល្បុក្កតោរបស់ខ្មែរទៀតផង ៕ កម្មពិធីរាត្រីវប្បធម៍នេះ ធ្វើឡើងដើម្បី ជូនដំណើរដល់លោកយាយ អូទី ហេននិក    ដែលគាត់បានធ្វើដំណើរត្រឡប់ទៅប្រទេសរបស់គាត់វិញ។

   ក្នុងរាត្រីនោះផងដែរ លោកគ្រូ អ្នកគ្រូ​ សិស្សានុសិស្ស គ្រប់ផ្នែកទាំងអស់ និង​​ ក្មេងៗស្នាក់នៅក្នុងសាលា គឺបានជូនអំណោយជាកាដូអនុស្សវារីយ៌ជូនទៅគាត់ ក៏ដូចជាធ្វើនំខេកសម្រាប់គាត់ និង និយាយពាក្យពេចន៌ថ្លែងអំណរគុណចំពោះគាត់ ហើយគាត់ក៏បាន សម្ដែងក្ដីរំភើបសប្បាយរីករាយក្នុងចិត្តរហូតដល់ស្រក់ទឺកភ្នែកទៀតផង៕ លោកយាយ អូទី ហេននិក គឺពិតជា បានចំណាយកម្លាំង​កាយ និង​កម្លាំងចិត្ត ពេលវេលាដ៏មានតម្លៃ ខិតខំបង្ហាត់បង្រៀនបច្ចេកទេស នៅសាលាបច្ចេកទេសដុនបូស្កូខេត្តកែប ៕

   លើសពីនោះទៅទៀត លោកយាយ អូទី ហេននិក និងស្មាមីរបស់គាត់ បានចាប់ផ្ដើមធ្វើការនៅក្នុងសាលាដុនបូស្កូ តាំងពីឆ្នាំ ២០១២ មកម្លេះរហូតដល់នាពេលបច្ចុប្បន្ន គាត់និងស្មាមី    បានជួយឧបត្ថម្ភ ផ្គត់ផ្គង់ដល់សាលា ដុន បូស្កូ កន្លងទៅនេះយ៉ាងច្រើនក្រៃលែង​ សម្រាប់សាលាបច្ចេកទេស ដុន បូស្កូ​ ខេត្តកែប ៕